Tulang Akrostik Alay Sa Magsasaka: Hari Ng Bukid

Ang magsasaka ay Hari ng Bukid. Araw-araw kaniyang inaaruga at binabantayan ang kaniyang mga pananim. Madalas pinapangarap niya ang nalalapit na anihan. Sisiguruhin niya na ang kaniyang pagod ay magbubunga at pakikinabangan ng sambayanan. 

Magsasaka

Tulang Akrostik ni Hercules L. Regis

Malawak at masukal na lupaing kaniyang nililinang

Ayuda niya'y 'di matatawaran, lahat tayo'y nakikinabang

Ganap ang layuning dapat mataniman ang lupang tigang

Sinisinop mga binhi, sinisikap pagyamanin sa parang

Abono sa taniman, ito'y pinahahalagahan at handang isalang

Saganang ani sa tuwina'y inaasam, upang makaabot sa tao ang pakinabang

Atensyon ay nakatuon sa kabuhayan, lagi nating katuwang

Kasipagan niya'y kabayanihang ipinagkaloob sa ating walang kulang

Ambag niya sa mamamayan, dakilang gawain sa kaniya nakaatang...

Below are other poems of Hercules L. Regis

Pambansang Kamao
Kamay Na Bakal Ni Digong
Pangulong Duterte
Tunay Na Magsasaka