Tulang Akrostik Alay Kay Pangulong Duterte

Si Pangulong Duterte ay sumisimbolo ng isang Transparent at Good Governance na ang bawa't Filipino ay dapat ipagmalaki sa buong mundo. The best President of The Philippines after Ferdinand E. Marcos.

Pangulong Duterte

Tulang Akrostik ni Hercules L. Regis

Pag-asa't pagbabago'y ilaan

Alay sa kabataang daraan

Nais katiwalia'y wakasan

Gabay Dios na makapangyarihan

Upang mabunyag ang katotohanan

Linisin ang kasinungalingan

Oras nang ihayag ang kasamaan

Nakalipas na pamahalaan

Ginawa sa tao'y kaapihan...

Digong, tatay na maaasahan

Utos droga't kurapsyon labanan

Tiyak ang banta at panawagan

Extrang kamay na bakal abangan

Resulta abusado'y bigwasan

Tagpasin tiwaling lingkod-bayan

Ebidensha'y gagawing sandigan!

President Rodrigo Roa Duterte of the Philippines, is considered by millions of Filipino people and foreigners alike around the world as best president after Ferdinand Edralin Marcos.

Read also other tula/poem of Mr. Hercules L. Regis: Kamay Na Bakal Ni Digong

Kamay na Bakal ni Digong

Isa sa milyon-milyong nagmamahal at nagtitiwala sa mahal nating Pangulong Duterte ay itong si Ginoong Hercules Lara Regis na taga Abuyog, Leyte. Sa pamamagitan ng kaniyang mga tula - kaniya pong naipapahayag ang kaniyang saloobin: paghanga at pagkilala sa katapatan ni Pangulong Duterte, isang pangulo na may malasakit sa bayan at sa mamamayang Filipino. Sa ibaba po ay ang tulang pinamagatang: Kamay Na Bakal Ni Digong. Let us welcome him.

Kamay Na Bakal Ni Digong

Ni Hercules L. Regis

Kamaong kalaban ng katiwalian
Amba nito'y disiplinang katuparan
Masasamang bisyong droga'y wawakasan
Adhika'y tuwid na may kapayapaan
Yugto ng pagbabago'y masasaksihan...

Nililinis at walang kinikilingan
Abusadong lingkod-baya'y babawasan.

Bakas ito ng pangakong katapatan
Angkop ang bagsik ng katotohanan
Kakalusin kahit sinong tatamaan
Apulahin ang salot sa ating lipunan
Layon nito'y magandang kinabukasan...

Naipapadama ngayo'y kagalakan
Ialay ay tulong laban sa kahirapan.

Dadaloy ang biyayang inaasahan
Ipatutupad pantay na katarungan
Gabay ating Dios na makapangyarihan
Obligasyon sa baya'y isasakatuparan
Nararapat ang tapat na katapangan
Ganap na magiting Pangulo ng bayan!

Para kay Ginoong Hercules Lara Regis, ang tula ay isang madamdaming wika mula sa puso O ritmo ng puso na nagpapahayag ng kagandahan at makahulugang wika. Siya po ay awtor ng mga tulang Akrostik, Titik-Teknik Katipunan ng mga Tulang Akrostik.