June 12 for the Filipinos, the World and the Victims of Child Labor

 Taon 1898 ay isinigaw

Ni Heneral Emilio Aguinaldo

Ang araw ng kasarinlan

Ng bansang Pilipinas

Mula sa bansang Espanya

‘Di maipaliwanag ang kasiyahan

At kaligayahan na naramdaman

Ng ating mga ninuno

Pakikibaka para sa Kalayaan at Kasarinlan - Hunyo 12

Kasabay ang pagwagayway

Ng makasaysayang bandila

Ang simbolo ng pagkakaisa

Ng mga mamamayang Pilipino

Kapalit ng maraming buhay

Na nalagas sa pakikibaka

Laban sa mga mananakop

At nalibing sa lupang hinirang

Na matagal nang nilapastangan

Ng mga banyagang kastila

Isang makasaysayang araw

Na kailan ma’y ‘di malilimutan

Ng bawat Pilipino sa mundo…

Ngunit ang Hunyo 12

Ay ‘di lamang para sa mga Pinoy

Marami rin pangyayaring naganap

At naisulat sa kasaysayan ng panahon

Na kailan ma’y ‘di mabubura na higit

Na marahas at mas madugong kaganapan

Na naging sanhi ng pagkitil

Ng maraming buhay at mga pangarap…

Taon 1885, Hunyo 12 sa bansang France

Gumuho ang bubungan ng gusali

Na pinagdadausan ng murder trial

At natabunan ang tatlumpung katao

Sila’y namatay ng walang laban…

Taon 1889, Hunyo 12, 88 katao

Ang namatay sa Armagh rail disaster

Sa Northern Ireland , na nagdulot

Ng sobrang lungkot at pighati

Sa mga naiwanang pamilya…

Taon 1899, ang tornadong New Richmond

Ang pang walong deadliest tornado

Na sumalanta sa United states

At naging dahilan ng pagkamatay

Ng 117 katao at ikinasugat

Ng dalawang-daang katao…

Taon 1943, ang Holocaust

Umaga ng Sabado Hunyo 12

1,180 na Jews ang humarap kay kamatayan

Sila’y isa-isang pinagbabaril

Ng walang pakundangan at awa

At sama-samang inilibing…

Taon 1978, Hunyo 12

Si David Berkowitz

Na binansagang “Son of Sam”

Mamamatay-tao ng New York City

Ay nahatulan ng 365 taon na pagkabilanggo

Dahil sa kanyang pagpatay ng anim na beses…

Kung maraming yumaon sa petsang ito

Marami rin ang dumating na nagpamalas

Ng kani-kanilang lakas at galing…

Taon 1107 Hunyo 12

Ipinanganak si Gaozong

At naging emperor ng China

Umabot ang kanyang edad na otsenta

Namatay siya sa taong 1187…

Taon 1875, ipinanganak si Sam De Grasse

At naging Canadian actor

Na hinangaan ng milyon-milyong

Tagahanga dahil sa kanyang galing

Sa pag arte, namatay siya sa taong 1953…

Taon 1906 ipinanganak si Sandro Penna

Siya’y isang magaling na Italian poet

Na hinangaan ng marami

Namatay siya sa taong 1977…

Taong 1912 Hunyo 12

Si Jameel Jalibi ay ipinanganak

Siya’y isang Pakistani scholar

Manunulat at Urdu linguist

Na ipinagmamalaki ng bansang Pakistan …

Ang Hunyo 12 ay pang 163 na araw

Sa Gregorian calendar at pang 164 na araw

Kung leap years, ito rin ay Russia Day

Mula noong 1990 at Lover’s Day ng Brazil

Dia dos Namorados - ang tawag nila…

At para sa mga kabataan

Ang Hunyo 12 ay pang Daig-digang Araw

Upang ipagtanggol ang mga menor de edad

Na sapilitang pinagtratrabaho

At supilin ang Child Labor sa mundo!

SEKRETO NI ROY G BIV

Pangkaraniwan ang kan'yang pangalan, nguni’t siya’y tanyag sa tunay na kagandahan, maraming tao ang naliligayahan, sa t’wing siya’y nasisilayan...

Image Via Wikimedia Commons

Kalimitan siya’y ginagawang inspirasyon

Ng mga makata’t may mapaglarong isipan

Ilalarawan nila ang kanyang kariktan

At iguguhit, isusulat sa iba’t-ibang paraan...

Mahiwaga ang kan'yang anyo

Kapag paningin sa kanya’y mapadako

Sa silahis ng araw at patak ng ulan

Siya’y masisilip sa taas ng kalangitan...

May pitong kulay ang kan'yang mukha

Sa pangalan na “Roy G. Biv” na maganda

Matatandaan ang pitong kulay na mahiwaga

Na lalagi sa alaala hanggang doon kay Bathala...

Katulad ng kulay berde, simbolo ng pag-asa

Ang dilaw, simbolo ng pagkakaibigan

Ang pula, simbolo ng pagmamahal

Ang bughaw, simbolo ng katapatan...

Dagdag pa rito’y ang kulay na Violet at Orange

At kulay indigo, na ayon kay Isaac Asimov

Ay anino ng mga kulay na Violet at Blue...

Sa Tagalog, Bahaghari ang tawag sa kanya

Indradhanush naman sa Hindu na mitolohiya

Sa mga Ilokano ang tawag ay Bulalayaw

At sa kabisayaan Balangaw o Balingaw

Katunog ng nabawing batingaw

ng Balangiga, Silangang Samar.

Lodestar Of Life

 It is the heart of life 

the force that erases 

differences between people 

bridges the splits of bitterness 

the pot of gold 

at the beginning 

and at the end 

of the rainbow 

it springs the beauty 

that bends across the sky 

on a stormy days 

the security for which 

children weep 

the yearning for Youth 

the adhesive 

that binds marriage 

the lubricant 

that prevents devastating 

friction in the home 

the safeguard 

of community life 

the beam of hope 

in a world of distress 

the peace of old age 

the sunlight of hope 

shining through the death 

it is a gift from God 

the most enduring 

most powerful virtue: LOVE.

--------------

POLARIS NG BUHAY

Isa kang mamahaling hiyas na nakapulupot

Sa baywang ng sagradong balangaw

Ilaw mo’y liwanag ng malawak na kalangitan

Kumikinang kahit sa gitna ng karimlan

Tulay ka ng mga nasasawi’t nasasaktan

Pinapangarap ng mga taong nagmamahal

Ika’y langis na hahaplos sa lahat ng sigalot

Na namumutawi sa loob at labas ng tahanan

Matibay kang bantayog ng mabuting pamayanan

Taglay mo’y buhay at dakilang pag-asa

Para sa mundong puno ng hilahil at hinagpis

Ang ma-angkin ka Pag-ibig, ay samo ng bawat isa

‘Di matutularang regalong bigay ni Bathala

Ika’y makapangyarihan at walang katulad!

Truth Seeker

 "Ang isang lingkod ng Dios, ay mahinahon at mapagpakumbaba, hanap n'ya'y liwanag at katotohanan!"

"Ang taong magagalitin madaling madaya, napapaniwala agad sa kasinungalingan, para sa kanya ang mali ay laging tama."

"Isa-puso mo lagi ang Kaniyang Kadakilaan ang pagmamahal Niya sa iyong kaligtasan tuparin mo ang lahat na Kaniyang ninanais 'cause Faith, Hope & Love need patience!"

"Maituturing na patay ang pananampalataya kung hindi sasamahan ng mabubuting gawa, kasabay ay ang walang humpay na pagtitiis, ayon sa ipinaguutos ng Kataas-taasang Dios."

"The Bible says 'Not all sins can be forgiven. Sins against the Holy Spirit are unforgivable!"

"There is the true baptism in the Bible which is powerful to change our being even our hearts. When God forgives our sins, the reformation and renovation begin - through the Holy Spirit."

"Upang makamit ang pangako ng Maylikha ang buhay na walang hanggan, ika'y umasa na may pagdurusa, 'wag umurong sa pagtalima tiyak kalulugdan ka ng Kaniyang kaluluwa!"

You Deserve a Happy Life

 Gusto Mo Ng Masayang Buhay?

Dalawin mo ang iyong hardin

Sa likod ng inyong bahay

Garden of Red Roses

Pumitas ka ng mga bulaklak

Na may sari-saring kulay

‘Di sa pamamagitan ng iyong kamay

Pitasin sila gamit ang mata

Pagkatapos hanapin mo

Ang halaman ng buhay

Ang katas ng kanyang bunga

Ay tubig na papatid sa iyong uhaw

Kunin mo sa pamamagitan

Ng pagkagat ng iyong labi

At kapag ika’y nagtagumpay na

Sumaglit ka sa iyong kaibigang nalulungkot

Young in Love - Photo Credits Pixabay

Gamutin mo ang kanyang lumbay

Ng isang masayang awitin ng pagsinta

At aawitin ng iyong kaluluwa

Kasabay ang indayog ng pagmamahal…

Arrival and Departure Time

 H’wag Sayangin Ang Iyong Kabataan

Masarap Maging Bata1

Kung magagawa ko lang na balikan ang aking

Kabataan na nabubuhay na malaya at tahimik

Sa kandungan ng mapagpalang mundo na nagbigay

Ng liwanag, lakas at pag-asa na kasama ang aking

Mga kaibigan at kalaro: 

kami ay masayang naglalaro

Ng taguan, bahay-bahayan, lumalangoy sa gitna

Ng malamig at malinaw na tubig sa ilog, umaakyat

Sa mga punong kahoy, nagtatakbuhan sa pisngi

Ng mapuputing buhanginan sa dalampasigan

At sa malawak na parang at nagkukunwari na

Kami’y lumilipad sa hangin ‘tulad ng mga ibon…

Masarap Maging Bata2

Ngayon ang katawan ko’t mga paa’y nakakaramdam

Na ng pananakit hudyat ng pagtanda, ang lakas ko

Ay nagbago na, natatakot sa tuwing naririnig ang

Awit ng orasan na nakapako sa dingding 

at ang

Mga nakabibinging mga iyak at sigaw sa paligid ko

Sing-lakas sila ng dagundong ng kulog at kidlat

Na umiiko sa matataas na kabundukan

Na lalung nagpapalala ng aking takot…

Alam ko na ang lahat ng bagay sa ibabaw ng mundo

Ay may oras ang pagdating at paglisan, nguni’t

Sa kabila ng katotohanan ay pangarap ko na

Humaba pa ang buhay ko at manatili ang aking

Kabataan 

upang lubusan kong mayakap at bigyan

Ng sapat na pagpapahalaga ang tunay na ganda

Ng Inang-Kalikasan habang hindi pa napaparam

Ang liwanag ng nakasinding kandila ng buhay ko! 

Wrong Target

Ang sarap pakinggan: mga halakhak

tawanan, mga hagikhik, mga sigaw

Sa t'wing magbibiro sa amin ang mabait

At minamahal naming Tiyo Kadyo...

Bulag si Kupido

 Sa araw na ‘yon ay samasama kaming

Nagdiriwang ng kaniyang kaarawan

Sa mundo, na kaniyang kinalakihan

Bakas sa kaniyang mukha ang ligaya...

 

Kahit sa kaniyang mga mata’y may luhang

Nalalaglag, masaya siyang naglambing 

Nakisama sa kaniyang mga pamangkin

Na masayang naghaharutan sa isa't isa...

 

Kasabay ang halimuyak ng masasarap

Na pagkaing niluluto ng aming Tiyahin

Ang masarap at nakakagutom na amoy

Ay umalingasaw sa buong kabahayan...

 

Dumating ang tanghaling tapat

Ang pagkain ay handa na para sa lahat

May sari-saring hugis, bango at kulay

Naghihintay sa lamesa na sila'y lapain...

 

Nguni’t sa hindi inaasahan ng lahat

Ang ihip ng hangin ay biglang lumakas

Mga alon sa dalampasigan na dati’y tahimik

Hindii mapigil at sabay-sabay na umawit...

 

Habang pinagmamasdan ko sila

Ang hanging amihan ay naki-isa

Pati mga dahon ng kamatsili'y nakiliti

Sa t’wing hahalik sa kanilang mga labi..

 

Ayaw ko na sanang balikan ang nakaraan

Nguni’t hindi ko ito maaaring iwasan

Sa t'wing darating ang 14 ng Pebrero

Alaala ng aming Tiyo'y buhay sa aming puso...

 

Sa gitna ng kasiyahan ay dumating ang bisita

Si Kupido na may tangan-tangang gintong pana

Sa kan'yang pagtudla'y tinamaan ang aming Tiyo 

Sanhi ng paghinto ng buhay niya sa mundo!

Birthday Greetings to Modern Day Heroes and Foreigners alike

 B-day greetings to all the "Modern Day Heroes" and "Foreigners alike" in the Middle East and other parts of the world 

OFWs - Modern-Day Heroes1

Sa bulubundukin ng lawang buhangin

Sa banyagang dampi at init ng hangin

Sa lupang ang talon, batis at baybayin

Balon ng langis na kinang ang angkin...

Dito kayo tumugpa, sumagwan, bumaklad

Inyong hinanap ang mabuting palad

Lumikha kayo ng sariling pugad

Ng mga gunitang may luha't galak...

Ngunit ang pagsapit ng inyong kaarawan

Ay 'di ko makakalimutan mga kaibigan

Saan man kayo naroroon kayo'y hahabulin

Ng aking pagbati't mga panalangin...

OFWs - Modern-Day Heroes2

Hayaan ninyo ngayon kayo'y batiin

Ng galak at hangad na sana'y inyong kamtin

Ang inyong mga adhika't nasa ng damdamin

Sana'y maabot ninyo at inyong marating...

MALIGAYANG KAARAWAN MGA KAIBIGAN ...

--------------------------

 In the mountain range of the sand lake

In the foreign touch and warmth of the breeze

On land are waterfalls, streams, and beaches

The oil-well that shines is owned...

OFWs - Modern-Day Heroes

This is where you land, paddle, and spread out

You sought the good life 

And create your own nest

Of memories with tears and joy...

But the arrival of your birthday

I will not forget my friends

Wherever you are you will be chased

With my regards and prayers...

OFWs - Modern-Day Heroes4

Let me now congratulate you

With joy and desire that you will achieve

Your aspirations and motivations

Hope you'll reach your goals and embrace them...

HAPPY BIRTHDAY, FRIENDS...

OFWs - Modern-Day Heroes5

-------------------------

Sixty-three Years' Journey

Milyong salamat po sa Dios, sa patuloy Niyang pagpapahiram po sa akin ng buhay. Today, April 29, 2023, marks the 63rdyear sa aking paglalakbay sa mundong ito. Loobin po na patuloy po Niya akong Kaawaan, gabayan at samahan sa bawa't hakbang na aking gagawin sa araw at gabi with my beautiful family.

My Beautiful Family: Paul, Melda, Fe, Khar & Joy

Sixty-three Years' Journey

 Anim-napu't tatlong taong nabubuhay

Mula nang ako’y unang umiyak sa dibdib ni Nanay

Kahit ako'y nasa gitna ng hirap at lumbay

Ang kabataan ko’y puno ng saya at kulay...

 

Maraming bagyo sa buhay ko ang dumaan

Ang pag-iyak ko’y hindi ko na mabilang

Minsan nakatitig ako sa malawak na kalangitan

Binibigkas ng bibig ay pag-ibig at kapayapaan...

 

Maraming pagkulog at pagkidlat

Ang aking nakita at narinig

Katawan ko’t isipan ay nanginginig

Dumadagundong sa tainga ang kanilang tinig

Katawan ko’y nanlata at ‘di makatindig...

 

Heto ako’t patuloy na naglalakbay 

Sa edad na 63, sa sinapupunan ni Inang-Kalikasan 

Ay nabubuhay sa pag-ibig at pagmamahal

Salamat po sa Dios, sa mga biyayang aking natanggap!

Pagbabalik Tanaw: Nang Ibigay Ng Langit si Tatay Digong, Ligaya at Kalayaan Naramdaman Ng Milyong Pinoy

Pangulong Duterte (Ama) Ng Perlas Ng Silangan

Hindi maikukubli ang pagiging ama

Inialay ang kanyang buong panahon
Sa kanyang ulo ay kumikinang korona
Puno ng lakas, pag-asa at tagumpay...

Siya ay itinakda ng tadhana
Na maging ama ng Perlas ng Silangan
Gintong adhikaing kanyang inialay
Kay Inang-bayan na kanyang minamahal...

Sa gitna ng walang humpay na mga pagbatikos
Ng mga taong walang prinong umuusig
Pangalan n'ya, pagkatao't buong angkan
Hinahatak pababa hanggang sila'y dumapa...

Tinulak siya sa kasalanan na di nya ginawa

Siya raw ay diktador at mamamatay tao
Kasinungalingan dahil kanyang binihisan at hinaplos
Ang Pilipinas ng totoong serbisyo at pagmamahal...

Bintang nila'y masakit sa puso'y nagwawala
Bombang sasabog na ikamamatay ang dala
Pilit nilang ipinupunla sa mga isipan ng madla
Lason na nakamamatay kung hindi mapuksa!

Kabayan sino ang pintig ng iyong puso

Sila ba na tulero na ang mga isipan -

Hangad nila'y wasakin ang imahe ng dating pangulo

Kung maglingkod ay tapat at bukas-palad?

---------------------------------------------------------------------

LUZVIMINDA: Luzon, Visaya at Mindanao, alam ng nakakarami mong angkan na si Amang Duterte ay may magandang kalooban, lakas at tapang para mapanatili ang iyong ganda at katahimikan - nguni't hindi rin maitatatwa na mayroong mga pasaway na nagtatago sa likod ng maskara - mga pasaway ng lipunan na nagtataglay ng maiitim na budhi at masasamang hangarin para saktan ang kalooban mo at sugatan ang iyong sinapupunan.

Bilang dating pangulo ng Luzon, Visaya at Mindanao - si Pangulong Duterte ay sumumpa na seguraduhin ang seguridad ng buong bansa. Walisin ang lahat ng duming iniwan at ikinalat sa iyong mukha at buong katawan ng nagdaang administrasyon. Sumumpa siya sa harap ng Sambayanang Filipino na sa loob ng kaniyang termino ay ipaparanas niya sa bawa't angkan mo ang tunay at totoong pagbabago na sa loob ng tatlong dekada ay ipinagkait sa kanila.

Opo, LUZVIMINDA - maraming nagmahal at nagtiwala kay dating Pangulong Duterte, hindi lamang 16 milyon - aabot pa sana hanggang 21 milyon kung hindi sana ginamitan ng hokus-PCOS noong araw ng botohan - pero huwag mabahala dahil silang 16 milyon ay buong puwersang nagkaisa para suportahan ang lahat na layunin at adhikain ng dating Pangulong Duterte!